Fréttir

Er allt vænt sem vel er grænt?

„Kolefnisjöfnun“ er sérstakt hugtak sem spratt upp nýlega, í magni, sem virkar næstum óhóflegt í áfergjunni. Allt í einu er ekkert mál að „verða grænn“ því hægt er að kaupa sér syndaaflausn með því að „kvitta fyrir kolefnð“ eða „kolefnisjafna“ sig eða starfsemi sína. Auðvitað er verkefnið Kolviður góðra gjalda vert, stórt verkefni sem styður skógrægt, safnar fé og veitir fé til skógræktar, sem eftir X ár skilar sér í því að skógurinn bindur koltvísýring. Gallinn er bara sá að það gerist ekki strax, ekki nærri strax, og á meðan höldum við áfram að spúa koltvísýring út í andrúmsloftið. Hugmyndin er því góð en alls ekki endanleg lausn og getur jafnvel verið stórhættuleg þ.e. ef að fólk og fyritæki halda að það nægi að borga syndaaflausnina og halda áfram að taka lítið sem ekkert tillit til umhverfisins í daglegu lífi og neysluvenjum.


Þeir sem græða mest á Kolvið eru án efa þeir miðlar sem að verkefnið er auglýst í og þau stórfyrirtæki sem taka þátt og geta þannig auglýst að þau séu „græn“. Ímyndarsköpun fyrirtækja byggir að hluta til á umhverfismeðvitund þeirra og „að kvitta fyrir kolefnið“ er einföld lausn til að verða „græn“ í augum almennings, enda ekki til vottunarferli fyrir það hugtak sem slíkt.

Umhverfið græðir án efa á verkefninu til lengri tíma litið. Það er að segja ef Hekluskógar halda (ef Hekla gýs ekki þeim mun gróflegar áður en litlu trjáplönturnar komast á legg) en þá má gera ráð fyrir að kolefnisjöfnun muni eiga sér stað eins og reiknað hefur verið út. Spurningin er bara hvort að það verði ekki orðið allt of seint og „hreina samviskan“ hafi mörgum árum áður orsakað meiri umhverfisspjöll en sú óhreina hefði annars gert.

Það er því gríðarlega mikilvægt að láta ekki þar við sitja heldur vinna að því á öllum vígstöðvum að umhverfisvitund sé fyrsta boðorð hvers fyrirtækis, hverrar fjölskyldu og hvers einstaklings. Ekki bara með því að kvitta fyrir kolefnið heldur með því að minnka kolefnislosun.

Grafík: Guðrún Tryggvadóttir og Signý Kolbeinsdóttir. ©Náttúran.is



Guðrún Arndís Tryggvadóttir
19. maí. 2007 18:04
Uppruni:
til baka

Sjá tengt lesefni og tilvísanir í Grænar síður hér til hægri.


Einkunn
Deildu með vinum
Flokkar:

Orð í belg

Þuríður Helga Kristjánsdóttir - sunnudagur 20. maí, 2007 klukkan 19:47:04

Ég er hjartanlega sammála, fólk getur orðið ,,grænt" með því að eyða peningum og friðar þar með samvisku sína. Umræðan um kolvið hefur verið alveg laus við gagnrýni þegar það eru margar spurningar sem vakna við svona verkefni, t.d. eftir hve mörg ár kolefnisjafna tréin útblásturinn?
Hefur þú nefnt þetta við Kolvið? Hvet þig til að gera það.

Pálmi Dungal - laugardagur 26. maí, 2007 klukkan 22:39:26

Kolviður er því miður bara tómt svindl. trén byrja ekki að binda að viti fyrir en eftir að bíllinn er ónýtur.
Ég hvet fólk til að skoða linkin fyrir neðan til að sjá hversu mikið svindl fylgir svona fyrirtækjum (carbon offset)
http://www.heatisonline.org/contentserver/objecthandlers/index.cfm?ID=6385&Method=Full

Elísabet í Garðbæ - mánudagur 28. maí, 2007 klukkan 00:25:59

Takk fyrir þetta, ég sat hér heima hjá mér að reyna að átta mig á hvað væri málið í þessari umræðu og fannst þetta mjög gruggugt allt saman...

það má segja að náttúran er í tísku en samt aðeins að því marki sem það truflar ekki okkar daglega þægilega líf!

Herdís í Íþöku - mánudagur 28. maí, 2007 klukkan 17:04:13

Í þessu samhengi er líka mikilvægt að gera sér grein fyrir því að kolefnisbinding í trjám og gróðri er ekki endanleg á þann hátt sem þarf til að stemma stigu við gróðurhúsaáhrifum. Hringrás kolefnis í gróðri tekur í mesta lagi nokkur hundruð ár (gróður vex og deyr og þegar hann rotnar fer kolefnið aftur út í andrúmsloftið áður en það er notað í nýjan gróður), en kolefni sem bundið er í olíu er úr tengslum við andrúmsloftið í tugi milljóna ára. Það er því grundvallarmisskilningur að halda því fram að það að binda ákveðið magn kolefnis í gróðri jafngildi því að nota ekki olíu sem þessu magni nemur. Til að stöðva manngerðar loftslagsbreytingar þurfum við að nema okkar framlag til gróðurhúsalofttegunda í andrúmsloftinu brott á því formi að þær komist ekki út í andrúmsloftið á ný í þúsundir ára.

Einar Bergmundur - mánudagur 28. maí, 2007 klukkan 23:52:05

Málið er að við þurfum að beita ÖLLUM tiltækum ráðum STRAX til að ná tökum á þróuninni. Kolefnisjöfnun er aðeins eitt af mörgu. Vistvænn ferðamáti annað. Draga úr neyslu varnings sem veldur útblæstri.

5 orð í belg

Leggðu orð í belg

Nafn:

Orð í belg:


Vinsamlega reiknið dæmið hér að ofan og setjið niðurstöðuna í reitinn.
Gert til að tryggja mannlegan uppruna orðanna.

Öllum er frjálst að skrifa undir nafni eða dulnefni að eigin ósk. Hugmyndin er að þetta sé vettvangur jákvæðrar og málefnalegrar umræðu um dægurmál, vörur, þjónustu og leiðir til að skapa betra umhverfi okkur öllum til handa. Ritstjórn Náttúrunnar áskilur sér allan rétt til að fjarlægja óviðurkvæmileg orð í belg að hluta eða öllu leyti. IP-tölum höfunda er haldið til haga.

Náttúrumarkaður

Hvernig versla ég á Náttúrumarkaði?
  • Deildir
  • Karfa
  • Vöruleit
  • Viðmið
  • Skilmálar
Indicator

Tengt lesefni:

Mengun: Loftslagsbreytingar [201]

Mengun: Ökutæki [49]

Samfélagið: Umhverfismál [1009]

Umhverfið: Umhverfisímynd [31]

Nýleg orð í belg

Eldhúsið - Hreinlætisvörur
Sæl, með sítrónusafa!
Guðrún Tryggvadóttir 17. 05. 2012 00:29:
Eldhúsið - Hreinlætisvörur
Hvernig fæ ég glerglös og aðrar glervörur (t.d. kristal) til að verða glansandi (með náttúrulegum ...
AP 16. 05. 2012 23:42:
Gleymdu klórnum og öðrum ónáttúrulegum hreinsiefnum!
Bórax hefur fengist í Handverkshúsinu í Bolholti í Reykjavík (notað til að hreinsa silfur og ...
Auður Páls 16. 05. 2012 23:39:
Græðgin í auðlindir landsins
Ein stór spurning varðandi leyfisveitingu UST á útiræktun (og almenna ræktun, innanhús líka þvæi ekki ...
Dominique 13. 05. 2012 12:41:
Ráðstefna um erfðabreytta ræktun, sleppingu og dreifingu
Spurning hvort fólk sem hefur kynnt sér neikvæðu hlíðar af erfðatækni ættu að fá að ...
Morten Lange 12. 05. 2012 02:03:
Seljum Ísland hvað sem það kostar
Einar Benediktsson um Kínamál: http://visir.is/kinamal-/article/2012705099999
Guðrún Tryggvadóttir 9. 05. 2012 10:04:
Fjölmennt á málþingi Landverndar og Eldvatna - samtaka um náttúruvernd í Skaftárhreppi
Við munum þurfa að berjast og berjast. Griðungar stóriðju munu heimta orku án afláts og ...
Árni Gunnarsson 6. 05. 2012 13:18:
Landneminn alaskalúpína
Sæl Gígja. Ef settar eru niður nægilega háar trjáplöntur í lúpínubreiðurnar,þá vaxa þær vel og ...
Eyjólfur Guðmundsson 2. 05. 2012 09:35:
Samtök áhugafólks um umhverfi og vellíðan í burðarliðnum
Nú veit ég ekki. Reyndu t.d. Félag hjúkrunarfræðinga!
Guðrún Tryggvadóttir 1. 05. 2012 12:08:

Fréttir frá: